.png)
Gazeta Si – Klubi i madh spanjoll ka vendosur të largojë nga puna përgjegjësin e stafit mjekësor. Shkak për këtë vendim të pazakontë janë bërë dëmtimet e shumta që ka pasur gjatë kësaj periudhe.
Real Madrid nuk do të rrezikojë më shumë dhe ka marrë menjëherë masa për të frenuar dëmtimet e shumta muskulore të futbollistëve. Rasti më i përfolur është ai i Arda Gyler. Mesfushori i talentuar turk po përjeton një kalvar të gjatë për shkak të dëmtimeve.
Pas dëmtimit në menisk gjatë verës, lojtari i vitlindjes 2005 ka pasur edhe probleme të ndryshme muskulore, që i kanë mohuar debutimin me skuadrën e trajnerit Karlo Ançeloti. Klubi spanjoll dhe veçanërisht presidenti Florentino Perez kanë vendosur të marrin vendimin drastik të pushimit nga puna të Niko Mihiç, përgjegjës i stafit mjekësor te madrilenët.
Sipas lajmit të ‘Marca’, Reali muajt e fundit po vuan shumë nga dëmtimet e shumta muskulore të futbollistëve, një situatë e pazakontë kjo që ka lënë jashtë disa elementë të rëndësishëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
