Një analizë e rasteve të koronavirusit për frymë tregon se Italia është më e prekur sesa Kina nga virusi. Për të parandaluar përhapjen e mëtejshme, qeveria italiane mbylli të gjitha institucionet, dezinfektoi aeroportet, mbylli të gjitha bizneset përvec dyqaneve dhe farmacive dhe filloi prodhimin e maskave në masë.
Instituti Kombëtar i Shëndetit Italian (Istituto Superiore di Sanità) rekomandoi distancimin shoqëror dhe ndaloi qarkullimin e qytetarëve.
Italia ka marrë masa të hekurta për të parandaluar përhapjen e koronavirusit, me shpresën se deri në fund të muajit do e ketë kaluar fazën më të rëndë të epidemisë.
Autoritetet italiane thonë se mund të duhen dy javë që ndikimi i kufizimeve të shihet në shpërthimin e koronavirusit, i cili ende po rritet jashtë zonës fillestare të kuqe. Ministri i Jashtëm italian Lugi Di Maio, u premtoi qytetarëve se nëse ndiqnin udhëzimet e qeverisë dhe të qëndronin në shtëpi, Italia do të shënonte një rënie drastike të nurmrit të të prekurve.
“Nëse mjekët mund të luftojnë në vijën e parë të betejës edhe ne mund të qendrojmë në shtëpi”, tha ai.
Qeveria italiane njoftoi në 08 mars, mbylljen e rajoneve të prekura në pjesën veriore të vendit për të shmangur përhapjen në Jug. Brenda dy ditësh, karantina u shtri në të gjithë Italinë, pasi raste me CoV u zbuluan në të gjithë vendin. Periudha e karantinës do të varet nga sa shpejt do të bjerë numri i rasteve të reja dhe vdekjeve. Autoritetet janë të bindura se nëse rregullat ndiqen me përpikmëri, vendi fqinj do të jetë i pari që do të marrë veten.
Italia është i vetmi vend që ka njoftuar një bllokim mbarëkombëtar që nga shpërthimi i koronavirusit Wuhan.
Luigi Di Maio tha në një intervistë për BBC se masat e vendosura në zonën e shpërthimit në Veneto dhe Lombardi ishin duke rezultuar efektive. Di Maio tha se prisnin që mos të kishin infeksione të reja pas 14 ditësh.
Bllokimi i parë u përqendrua vetëm në një komunë të vogël dhe zonat përreth në veri të vendit. Masat u morën për të shmangur përhapjen e panikut dhe goditjen e ekonomike në një nga zonat më produktive të vendit. Ekspërtët besojnë se qeveria duhet të kishte izoluar që në fillin të gjithë Veriun për të parandaluar përhapjen e koroanavirusit në të gjithë vendin dhe të kishte urdhëruar që në fillim qëndrimin e njerëzve në shtëpitë e tyre. Por edhe pse me vonesë, izolimi i plotë i qytetarëve duket se ka lënë vend për shpresë në Italinë fqinje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.