Dy vite më parë kryeministri Edi Rama do të sulmonte ashpër Bullgarinë, duke e cilësuar si një turp për faktin se bllokoi procesin e integrimit të Shqipërisë dhe Maqedonisë së Veriut në BE. “Ohh Bullgaria këtu. Jeni rrëmujë ju djema. Një rrëmujë e madhe dhe jeni një turp teksa mbani peng dy vete të tjera të NATO-s. Nuk pres lajme të mira sot, sepse siç e thashë dje u ngrit optimizmi por këtu jemi dhe është një ditë e re në Europë por jo në Bullgari”, do të deklaronte Rama. Kjo solli edhe reagimin e ashpër të Sofjes. Dy vite më pas, Rama ka zbutur tonet ndaj Bullgarisë. Në televizionin shtetëror të këtij shteti, Rama e ka cilësuar këtë qëndrim i mbajtur në kontekstin e kohës.
“Sigurisht, nuk kam harruar që kemi pasur një moment debati. Por ishte një rast shumë specifik në një kohë shumë specifike. Ai nuk kishte të bënte me rrënjët, me thellësinë e marrëdhënieve tona”, tha ai për Bojko Vasilev.
I pyetur nëse do të preferonin të gjykoheshin për meritat e tyre dhe të mos lidheshin me Maqedoninë e Veriut në rrugën drejt BE-së, apo do të preferonin të shkonin si paketë, Edi Rama u përgjigj: “Por në atë kohë, siç e mbani mend. , ajo që u nda nuk ishte opsion. Sepse nuk vendosëm ne, por Këshilli Evropian. Kjo e bëri situatën tonë mjaft alarmante dhe pozicionin tonë mjaft të vështirë. Sot, mendoj se rrugët tona u ndanë natyrshëm. Sepse që nga momenti kur një vend fillon negociatat e anëtarësimit, rruga e tij varet nga meritat e tij, jo nga politika apo gjeopolitika. Të paktën, kështu është në letër. Epo, ne e dimë se ndonjëherë - dhe gjithnjë e më shumë - ajo që shkruhet në një letër nuk ndodh në realitet. Por nuk shoh asnjë arsye që ne të mbahemi më bashkë. Secili ka rrugën e vet”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.