Nga Gazeta 'Si'- Takimi i kryeministrit Rama me emigrantët në Itali nisi me një dokumentar ku u treguan të gjitha vështirësitë që populli ynë ka kaluar.
Fill pas këngës së Ardit Gjebreas së titulluar ‘Jon’, këngë e cila flet për këto momente të vështira, u transmetuan pamjet në ekran, të cilat emocionuan dhe përlotën të pranishmit në sallë.
![](https://gazetasi.al/wp-content/uploads/2024/05/1716720467_ramamilano.jpg)
Në fjalën e tij hyrëse, Rama tha se “shqiptarët në Itali janë pararoja e bashkimit me Evropën.
"Jam thellësisht i prekur. Dua ta dini që më ka emocionuar vala e nxehtë e përshëndetjeve të shumë shqiptarëve që më kanë shkruar për t'i vizituar. Ju shqiptarët e Italisë jeni shëmbëlltyra rrezatuese e pararojave shqiptarë të ribashkimit me Europën. Ju jo politika, jo media e as biznesi. Ju jeni përbashkuesit më kryesorë të dy brigjeve të Adriatikut. Jeni fuqia më e madhe e rikthimit të Arbërisë së vjetër dhe Shqipërisë së re të qytetërimit europian. Jeni krenaria shqiptare", tha Rama në fjalimin e tij i cili u shoqërua me ovacione dhe me thirrjet e emrit të tij në kor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.