Kryeministri Edi Rama e nisi ditën e premte me një kafe-takim me banorë të njësisë bashkiake numër 11 në Tiranë. Në këtë takim, ashtu si edhe në takimet e tjera të këtij lloji në Tiranë, kreu i Qeverisë shoqërohej nga kryebashkiaku Erion Veliaj.
Veliaj mori përgëzimet e lëvdatat e një qytetari të pranishëm.
“Ky (Erion Veliaj) ka një meritë të madhe. Tani je i parë ti, por edhe ky ka meritë dhe duhet të çohemi në këmbë para këtij”, iu drejtua ai Kryeministrit.
Mes batutave, Rama “refuzoi” të çohej në këmbë dhe për më tepër i dërgoi një sinjal të tërthortë Erion Veliajt, që mendohet si pasaardhës i tij në krye të Partisë Socialiste, duke i kujtuar se është ende i pasfidueshëm në krye të socialistëve.
“Në këmbë nuk po çohem. Duhet të çohet ai për ne. Se për atë punë, jemi ne pa është ai!”, iu përgjigj Kryeministri qytetarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.