Ka përfunduar takimi mes Zëvendës Ndihmës Sekretarit Amerikan të Shtetit, Matheë Palmer dhe kreut të qeverisë, Edi Rama.
Zyrtari i lartë amerikan qëndroi rreth 100 minuta në zyrën e kryeministrit, ku në qendër të bisedës mes tyre ka qenë situata e rëndë politike në vend.
Kryeministri Edi Rama reagoi pas takimit që pati në kryeministri me zv/Ndihmës Sekretarin Amerikan të Shtetit, Mathew Palmer, duke përmendur disa tema të bisedimeve, ku nuk evidentoi asnjë fjalë për krizën politike në vend.
“Marrëdhëniet e shkëlqyera bilaterale, integrimi europian i Shqipërisë, dialogu Kosovë-Serbi dhe situata politike në vend, në një bashkëbisedim të frytshëm që na gjeti në dakordësi të plotë me me zv/Ndihmës Sekretarin Amerikan të Shtetit, Mathew Palmer”, - thotë Rama në “Twitter”.
Ndërkohë nga ana e Palmerit, nuk ka asnjë reagim lidhur me çështjet e diskutuara lidhur me situatën politike në vend.
Ditën e martë ai do të zhvillojë takime edhe me liderët e partive në opozitë, me kreun e PD-së Basha, dhe atë të LSI-së, Monika Kryemadhi. Para largimit nga Shqipëria, Palmer pritet të ketë edhe një bashkëbisedim me gazetarët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.