Kryeministri Edi Rama ndodhet në Katar ku po zhvillon një vizitë zyrtare me ftesë të Emirit të Katarit, Sheikut Tamim bin Hamad Al Thani. Kryeministri shqiptar u prit në një ceremoni të posaçme zyrtare ku merrnin pjesë personalitetet më të larta të shtetit dhe në një takim të veçantë nga Emiri i Katarit, Sheiku Tamim bin Hamad Al Thani.
Gjatë takimit, bashkëbiseduesit vlerësuan marrëdhëniet e mira mes dy vendeve si dhe shprehën angazhimin e tyre për të thelluar bashkëpunimin në fusha me interes të ndërsjellë, kryesisht në turizëm dhe infrastrukturë. Po ashtu, zhvillimi i turizmit dhe i tregtisë së ndërsjellë u theksua si prioritet.
Më tej, Rama ka takuar edhe kryeministrin e Katarit, Abdullah bin Naser Al Khalifa Al Thani, ku ka nënshkruar disa marrëveshje dypalëshe, në funksion të zhvillimit të mëtejshëm të marrëdhënieve ekonomiko-tregtare mes dy vendeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.