Kryeministri Edi Rama e filloi turin e tij ballkanik dy ditor me një vizitë në Shkup aty do të takohet me kryeministrin e Maqedonisë së Veriut, Dimitar Kovaçeski.
Kreu i qeverisë ka publikuar një foto nga Shkupi, ku shihet se është shoqëruar nga ministri i Mbrojtjes Niko Peleshi si dhe nga Majlinda Dhuka, kryenegociatore e Shqipërisë me BE-në, ndërsa ministrja për Evropën Olta Xhaçka nuk është e pranishme.
Kryeministri Edi Rama po zhvillon një takim kokë më të dhe më pas do të kenë edhe një konferencë për shtyp.
Vizita në Shkup do të përfundojë me një drekë pune mes delegacioneve të dy vendeve, për të vijuar më pas vizitën në Prishtinë.
Në orën 16:00 kreu i qeverisë do të takohet me presidenten e Kosovës Vjosa Osmani, ndërsa në orën 17:15 pritet të ketë një takim me kryetarin e Kuvendit Glauk Konjufca.
Megjithëse Albin Kurti refuzoi te merkuren takimin me kryeministrin Edi Rama, ky i fundit në axhendën e publikuar sot, thotë se është ende në pritje të një konfirmimi zyrtar.
Kjo pasi qeveria ka firmosur 13 marrëveshjet që pritet të nënshkruheshin në mbledhjen e 2 qeverive, duke i dorezuar tek ministria e Jashtme e Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.