Kryeministri Edi Rama ka ndarë me ndjekësit në rrjetet sociale një lajm të mirë për Rrugën e Thethit.
Kreu i qeverisë nëpërmjet një videoje të publikuar në “Facebook”, bën me dije se javën e ardhshme do të nisë rindërtimi i Rrugës së Thethit.
Teksa ka publikuar videon e projektit, kryeministri shton se do jetë një transformim në funksion të zhvillimit të integruar të Qarkut Shkodër.
Rindërtimi i kësaj rruge do të lehtësojë lëvizjen e banorëve të Thethit, të cilët qëndrojnë gjatë gjithë dimrit të bllokuar, për shkak të rrugës skandaloze.
Po ashtu rruga do të lehtësojë edhe lëvizjen e vizitorëve, pasi Thethi përbën një atraksion të veçantë turistik në qendrën e Veriut për bukuritë e rralla të natyrës dhe vizitohet nga mijëra turistë brenda dhe jashtë vendit.
“JAVEN E ARDHSHME… nis rindërtimi i Rrugës së Thethit, një transformim i shumëpritur nga banorët e zonës së magjishme turistike dhe në funksion të zhvillimit të integruar të qarkut të Shkodrës”, shkruan kryeministri Rama në “Facebook”. Punimet nisën javën e shkuar, por u bllokuan nga bashkia Shkodër, pasi kryebashkiakja Ademi kërkonte informacion për projektin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.