Ndërsa opozita pritet të protestojë të shtunën e 16 marsit para Kryeministrisë, shefi i qeverisë sërish nuk do të jetë në kryeqytet.
Mësohet se Edi Rama do të jetë në Berat, ku pritet që të zhvillojë disa takime dhe aktivitete, duke nisur që ditën ë nesërme.
Deputetja e PS-së, Ermonela Felaj përmes një postimi në rrjetet sociale shkruan se takimet në këtë qark do të fillojnë që nesër në orën 14:30, ndërsa do të vijojnë të shtunën me të tjera në të gjithë qarkun e Beratit. Në kuadër të turit ‘Bashkia që Duam’, pritet të prezantohet edhe kandidati i PS-së për këtë bashki.
Rama përdori të njëjtin “skenar” edhe në protestën e 16 shkurtit. Teksa opozita protestonte poshtë zyrës së tij, kryeministri ishte në Vlorë me qindra qytetarë dhe simpatizantë të Partisë Socialiste në një shesh gjigant.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.