Gazeta Si - Numri i të vdekurve nga sulmi me raketa ruse në një restorant mbrëmë në qytetin e Kramatorsk në rajonin lindor të Ukrainës, Donjeck, ka shkuar në 10, duke përfshirë tre fëmijë.
Kjo është bërë e ditur nga Policia Kombëtare e Ukrainës në Telegram. Të paktën 61 persona janë plagosur, sipas raporteve të fundit.
Mes të vrarëve, ishin një vajzë 17-vjeçare dhe motra binjake, konfirmuan shërbimet e urgjencës ukrainase.
Ndërkaq një rakete e dytë goditi një fshat ku mbetën të plagosur 5 persona. Kramatorsk, ka qenë një objektiv i shpeshtë i sulmeve ruse, duke përfshirë një sulm në stacionin hekurudhor në prill 2022 që vrau 63 njerëz.
“Çdo akt i tillë terrori na dëshmon përsëri për ne dhe për të gjithë botën se Rusia meriton vetëm një gjë si pasojë e gjithçkaje që ka bërë gjykime kundër të gjithë vrasësve dhe terroristëve ruse”, u shpreh presidenti ukrainas Volodomyr Zelensky.
Ndërsa Bjellorusia mirëpriti Prigozhin, presidenti bjellorus Alexander Lukashenko është shprehur se vendi i tij dëshironte të mësonte nga përvoja e luftës e grupit mercenar rus Ëagner. Teksa ende nuk dihet vendndodhja e saktë e grupit mercenar, Lukashenko u shpreh se vendi i tij nuk ka ndërtuar kampe për mercenarët e Ëagner.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.