.png)
Gazeta Si – Liga e Kampionëve luan mbrëmjen e sotme ndeshjet e xhiros së tretë edhe në grupet E, F, G dhe H. Në fushë do të zbresin edhe dy futbollitë të Kombëtares shqiptare: Elseid Hysaj me Lacion dhe Arbnor Muja me Antverp.
Lacio bën pjesë në Grupin E dhe pas dy ndeshjeve të para ka 4 pikë, duke kryesuar bashkë me Atletiko Madrid. Sot luan në fushën e Fejnordit, që ka një pikë më pak. Një transfertë e vështirë kjo për Hysajn me shokë, për të cilët do të bënte punë edhe barazimi.
Antverp e Mujës, pas dy humbjesh në ndeshjet e para, sot përballet me Porton. Sulmuesi kuqezi pritet titullar në këtë ndeshje, ku belgët do të kërkojnë pikët e para.
Ndeshja më e rëndësishme e mbrëmjes është ajo mes PSG-së dhe Milanit në Grupin F. Francezët kanë 3 pikë, kurse italianët vetëm 2 dhe nuk kanë provuar ende shijen e fitores. Është një ndeshje shumë e rëndësishme sa i takon kualifikimit, ku skuadra që humb i komplikon së tepërmi gjërat.
Kampionët në fuqi të Mançester Sitit luajnë sot në Zvicër me Jang Bojs, kurse Barcelona pret ukrainasit e Shakhtarit.
Champions, ndeshjet e treta në grupe
Sot, ora 18:45
Barcelona-Shakhtar Donetsk
Fejnord-Lacio
Ora 21:00
Antverp-Porto
Selltik-Atletiko Madrid
Njukastëll-B.Dortmund
PSG-Milan
Lajpcig-Crvena Zvezda
Jang Bojs-Mançester Siti
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
