.png)
I vendosur jo shumë larg Ankarasë dhe pranë një parku gjigant natyror, ajri të pastër e natyre të qetë, duhej të ishte shndërruar tashmë në një oaz për njerëzit më të pasur të Turqisë.
Por, sot parku i kështjellave të frymëzuara nga DisneyLand është ende i braktisur. 732 ndërtesat e ndërtuara në Burj al Babas, në veri-perëndim të Turqisë presin ende banorët e tyre të parë.
Ndërtimi i tyre ishte një ide e konsorciumit turk Sarot. Stili i ndërtimit të tyre është neogotik dhe çmimi fillon nga 400 mijë euro për kështjellë.
Dezajni i brendshëm dhe gjithë strukturat e tjera brenda dhe përreth ndërtesave janë frymëzuar që të gjitha nga bota e filmave vizatimorë të Disneyland. Por, as ajri i pastër, as natyra e qetë, as dezajni i ofruar nuk kanë joshur blerësit.
Kompania Sarot konfirmoi se disa muaj nga përfundimi total i projektit, nuk ka shitur ende asnjë kështjellë, ndërkohë që kostoja e ndërtimit të tyre e kanë detyruar që të aplikojë tek autoritetet vendase për falimentim.
Ndërtuesit fajësojnë krizën ekonomike që përfshiu Turqinë përgjatë 2018 për mosshitjen e ndërtesave dhe shpresojnë që tashmë asetet e tyre të vlerëson mjaftueshëm, të paktën sa për të mbuluar kostot.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
