.png)
Policia ka arrestuar një 35-vjeçar, të përfshirë në një ngjarje kriminale në fshatin Sopot të Tropojës.
Në pranga ka rënë shtetasi me inicialet G. Rr, që akuzohet për dy vepra penale.
“Efektivët e Komisariatit të Policisë Tropojë, në vijim të punës për lokalizimin dhe kapjen e personave të shpallur në kërkim, në bazë të informacioneve të marra në rrugë operative, pas lokalizimit të vendndodhjes, bënë të mundur kapjen dhe arrestimin e shtetasit:
G. Rr., 35 vjeç, banues në fshatin Sopot, Tropojë”, thuhet në njoftimin e policisë.
Sipas policisë, 35-vjeçari ishte shpallur në kërkim, pasi Prokuroria e Rrethit Gjyqësor Tropojë, ka dërguar urdhrin për ndalimin e tij, si i dyshuar për veprat penale “Vrasja e kryer me kapërcim të kufijve të mbrojtjes së nevojshme“ mbetur në tentativë dhe “Mbajtja pa leje e armëve dhe municioneve luftarake”.
Në lidhje me ngjarjen, një tjetër person u kap një ditë më parë, kurse është në kërkim edhe një i ri.
“Ditën e djeshme është arrestuar një nga autorët e dyshuar të kësaj ngjarjeje, shtetasi R. H. Ndërkohë, vijon puna për lokalizimin dhe kapjen e shtetasit G. K”, vijon më tej njoftimi.
Materialet iu referuan Prokurorisë së Rrethit Gjyqësor Tropojë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
