.png)
Policia e Beratit ka sqaruar ngjarjen që terrorizoi mbrëmë Skraparin, ku një person me probleme të shëndetit mendor, pasi qëlloi me armë në ajër hapi zjarr edhe ndaj policisë.
Ndonëse u fol se në ngjarje ishin përfshirë dy vëllezër, policia thotë se në pranga ka rënë Hekuran Hoxha. Ky i fundit u arrestua rreth orës 01:00 të natës, pas ndërhyrjes së Reneas.
Sipas policisë, ky shtetas, në orët e mbrëmjes së djeshme, në katin e parë të një pallati, në lagjen “5 Shtatori”, ka qëlluar në ajër me armë zjarri dhe më pas kur ka parë shërbimet e Policisë ka hapur zjarr edhe në drejtim të tyre. Më vonë, ky shtetas u fut në banesë dhe nuk iu përgjigj thirrjeve të Policisë për t’u dorëzuar.
Pas ndërhyrjes së forcave speciale “Renea” u bë e mundur vënia në pranga e 57-vjeçarit dhe u sekuestrua edhe arma kallashnikov, bashkë me një sasi municioni.
Materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
