Gazeta Si – Me një deklaratë të shpërndarë për mediat, Luis Rubiales, numri 1 i Federatës Spanjolle të Futbollit, ka provuar të mbyllë çështjen e puthjes në buzë të lojtares Jeni Hermoso gjatë ceremonisë së trofeut dhe medaljeve në Botërorin e femrave.
"Sigurisht që kam gabuar, duhet ta pranoj, - ka deklaruar Rubiales. – Nuk kisha asnjë qëllim të keq në një moment entuziazmi të jashtëzakonshëm. Ne që ishim në stadium e përjetuam gjithçka në mënyrë natyrale, kurse jashtë u krijua konfuzion.
Kërkoj ndjesë, duhet të mësoj nga ky episod që kur je president duhet të jesh më i vëmendshëm”. Këto janë fjalët e Rubiales, mjaft i kritikuar për gjestin e tij të pakontrolluar përpara kamerave.
Spanja fitoi Kupën e Botës në futboll për femra të dielën, pasi mundi 1-0 Anglinë në finale. Gjatë ceremonisë së medaljeve, presidenti Rubiales përqafoi fort dhe puthi lojtaret një e nga një, por në rastin e Hermosos e kaloi kufirin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.