.png)
Autoriteti Rrugor Shqiptar njofton se të shtunën nga ora 09:00 deri në orën 17:00 të pasdites dot të ketë punime në aksin “Mbikalimi Kasharit – Rinas” dhe për këtë arsye do të ketë devijim të qarkullimit të mjeteve.
ARRSH bën me dije se punimet do të kryhen në kryqëzimet e Domjes dhe Laknasit dhe Trafiku do të devijohet me një kalim.
“Duke filluar nga nesër, datë 23.3.2019, ora 9:00-17:00 në aksin “Mbikalimi Kasharit – Rinas” në kryqëzimet e Domjes dhe Laknasit do të fillojë puna për realizimin e disa punimeve emergjente për përmirësimin dhe rritjen e sigurisë rrugore në këto pika të rrezikshme", - thuhet në njoftim.
Sipas ARRSH-së, trafiku do të devijohet me një kalim në këto 2 kryqezime përgjatë kryerjes së punimeve, ndërsa lëvizja e mjeteve do të udhëhiqet nga punonjësit e Poloicisë Rrugore dhe nga punonjësit e kompanisë që do të realizojë punimet.
"Kërkojmë mirëkuptimin e përdoruesve të rrugës dhe bizneseve për oraret në të cilat do të devijohet trafiku”, bën me dije ARRSH.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
