Para

Puna në të zezë, 12 mln lekë i mungojnë arkës së shtetit në korrik-shtator

Nga 1 korriku deri më 23 shtator nga operacioni antiinformalitet janë identifikuar 892 subjekte me punonjës në të zezë.

Inspektoriati Shtetëror i Punës ka kontrolluar në këtë periudhë kohore 2475 aktivitete prej të cilëve 36 për qind kanë qenë në shkelje.
Numri më i lartë i subjekteve që kanë shkelur ligjin janë zbuluar në qytetin e Durrësit, më pak në qytetin e Fierit.

Të dhënat e Inspektoriatit Shtetëror i Punës tregojnë se në 892 subjekte me risk informaliteti, nga 5532 punëmarrës, 1688 ose 31 % e totalit punonin të padeklaruar.
Efekti në arkën e shtetit për mungesë deklarimesh të këtyre punonjësve është 12.2 milionë lekë e llogaritur mbi bazën e pagës minimale prej 26000 lekë.

Pas gjetjeve, 1464 punëmarrës janë formalizuar brenda afatave inspektuese.

 

Më Shumë