Gazeta Si- Ushtria izraelite ka publikuar videon e lirimit të 4 pengjeve izraelitë në Nuseirat, në qendër të Rripit, më 8 qershor. Mes tyre edhe Noa Anrgamani, 25-vjeçarja izraelite, e cila u bë simboli i masakrës së 7 tetorit.
Tre pengjet e tjera të liruara nga ushtria izraelite, Shlomi Ziv, Andrey Kozlov dhe Almog Meir, u kapën nga forcat e Hamasit në festivalin e muzikës në Negev.
Pamjet e kapura nga kamerat e uniformave të ushtarëve izraelite fillimisht tregojnë ata duke ecur nëpër pemë teksa i afrohen një prej ndërtesave, ku Hamasi mbante peng Almog Meir Jan, 21, Andri Kozlov, 27 dhe Shlomi Ziv, 41 vjeç.
This is the moment the elite Yamam unit rescued former hostages Shlomi Ziv, Almog Meir Jan and Andrey Kozlov from captivity in Gaza.
— Israel ישראל (@Israel) June 10, 2024
Real life superheroes. pic.twitter.com/1fMGPu3xpz
Mes zhurmës së armëve, oficerët e policisë së Yamam hapin një derë për të hyrë brenda një shtëpie.
Dëgjohen britma dhe përplasje rreth ndërtesës, për të cilën Izraeli më vonë tha se i përkisnin gazetarit të Gazës, Abdallah Aljamal, i cili po i mbante pengjet brenda shtëpisë së tij.
Pasi kanë hyrë në shtëpi, oficerët gjejnë pengjet të ulur të tmerruar në dyshemenë e një dhome, ndërsa nga jashtë shtëpisë vazhdojnë të dëgjohen të shtëna me armë zjarri.
Ndërsa pengjet Jan dhe Kozlov thonë emrat e tyre dhe flasin me komandot, një tjetër shpërthim dëgjohet pranë murit, duke i zënë sërish në befasi.
Më pas shihen komandot duke i drejtuar pengjet larg murit, ku njëri prej tyre përpiqet të qetësojë Kozlovin dhe ta bindë atë se do të kthehen të sigurt në Izrael.
Të shtënat e radhës në video tregojnë oficerët që nxjerrin pengjet nga godina, ndërsa dëgjohen të shtëna pa ndalim.
Shpëtimi i guximshëm i pengjeve u krye nga oficerët Yamam në bashkëpunim me Forcat e Mbrojtjes të Izraelit dhe agjentët e inteligjencës Shin Bet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.