Ashtu siç kishte paralajmëruar Kryeministri Edi Rama ka ngritur një padi në gjykatat gjermane kundër gazetarin gjerman Peter Tiede, i cili ka publikuar përgjimet në gazetën “Bild”
“Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë e kush ka faj në këtë mes. E bëj sepse shqiptarët meritojnë ta dinë të vërtetën nga drejtësia e atij vendi pa hije”, shkruan Rama në një postim në Twitter.
Më herët kryeministri kishte deklaruar ta padiste gazetarin Tiede pikërisht në Gjermani, “në atë vend të bekuar, ku drejtësia nuk bën lojëra me sekretet hetimore e ku dinjiteti i njerëzve dhe i shteteve respektohet si vlerë e pacënueshme”. “Le të shohim kush është me të drejtën në këtë histori drejtësie të munguar”, shkruante Rama në rrjetin social.
Në të njëjtën ditë, gazetari gjerman Peter Tiede replikoi me kryeministrin Edi Rama. “Z. Kryeministër, ju doni të më padisni? Për shkak se kam fyer lartmadhërinë? Materialet janë origjinale. Apo dyshoni për materialin e prokurorëve tuaj? Në Shqipëri, ju nuk mund të më paditni: cila gjykatë funksionon? Jam i lumtur që e pranove…”, shkruante Tiede në rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.