Pse punëdhënësit i duan portalet e aplikimit për punë në internet

Aplikimi për punë në internet mund t'u marrë kohë kandidatëve. Pse punëdhënësit favorizojnë këtë lloj procesi dhe a ka ndonjë mënyrë për ta bërë atë më pak të lodhshëm?

Jennifer Buege mund të kalojë deri në dy orë për të aplikuar për një punë të vetme në internet. Redaktorja 48-vjeçare, me qendër në Minneapolis në SHBA, u shkarkua nga puna e saj në Mars në revistën e fluturimit Delta Sky së bashku me mbi dhjetë kolegë të saj.

Pandemia e Covid-19 ka shkaktuar një rritje të humbjeve të vendeve të punës, dhe ajo është një nga miliona punëtorë që tani kërkojnë një punë të re në SHBA, ku shkalla e papunësisë u rrit nga 3.5% në shkurt në 14.7% në prill.

Shumica e aplikantëve nuk kanë zgjidhje tjetër përveç se të drejtohen tek portalet e punës dhe sistemet e përcjelljes së aplikantëve (ATS) - aplikacione softuerësh që firmat dhe rekrutuesit përdorin për të shqyrtuar kandidatët. Për këta të fundit, plotësimi i aplikacioneve në internet mund të jetë një proces i gjatë dhe i lodhshëm; Buege duhet të përshtasë CV e saj sipas formularit të apliakcionit dhe të rishkruajë për çdo rast letrën e motivimit për të nxjerrë në pah përvojën e saj përkatëse, si dhe të lundrojë në programet e secilës kompani. Në disa raste, kjo do të thotë të kopjojë çdo rresht të CVpër ta hedhur në fushat fushat e kërkuara të aplikacionit.

Pra, çfarë ka të bëjë me këto sisteme që kompanitë i pëlqejnë - dhe për ata që e gjejnë veten të papunë për shkak të pandemisë, a ka ndonjë mënyrë për ta bërë përdorimin e tyre më pak të dhimbshëm?

Filtrimi i kandidatëve

Një studim i kohëve të fundit nga firma e rekrutimit Yello zbuloi se nga 200 autoritete të punësimit të SHBA-ve në biznese të të gjitha madhësive, 73% përdorën programin e blerjes së talenteve për të ndjekur, analizuar dhe rekrutuar të rinj. Kur bëhet fjalë për kompanitë e SHBA-ve Fortune 500, 99% përdorin ofruesit e njohur ATS si Ëorkday dhe Taleo. Këto sisteme thjeshtojnë procesin e marrjes në punë të punëdhënësit, duke i lejuar ata të rregullojnë pyetje, të vendosin filtra në bazë të kërkesave dhe letrave të motivimit, dhe automatizojnë pjesën më të madhe të punës për filtrim, në mënyrë që rrethi të ngushtohet shpejt tek kandidatët më të kualifikuar.

Ky aplikacion që nisi produktin e saj të parë për menaxhimin e kapitalit njerëzor në 2006, është një reflektim i softuerit HR të shkollës së vjetër. Aplikantët duhet të ngarkojnë CV-në e tyre dhe më pas ta rimarrin përsëri në vetë platformën. Ndërsa aplikacioni është krijuar për të transferuar informacione nga informacionet e ngarkuara të eksperiencës në fushat e përcaktuara të portalit, saktësia e transferimit ndryshon.

Me platforma më të reja, si ato të rekrutimit të ndërmarrjeve të softuerëve Greenhouse ose Lever, aplikantët kanë mundësinë që të përdorin profilin e tyre LinkedIn në vend të një CV-je, dhe procesi i riciklimit është eliminuar. Sidoqoftë, në të njëjtën kërkesë paraprake ato mund të hasin në pyetje të personalizuara; një aplikim i kohëve të fundit për një vend pune si inxhinier në një kompani softuer u kërkoi kandidatëve të shpjegojnë pse ata donin të punonin atje, të përshkruajnë diçka për të cilën ishin "kureshtarë ose kishin pasion intelektualë". Një pozicion i ngjashëm në një firmë tjetër u kërkoi aplikantëve të shpjegojnë pse ata ishin të përshtatshëm për rolin dhe të përshkruajnë arritjen e tyre profesionale. Ndërsa mund të ketë disa mbivendosje në aplikimet e punës dhe kandidatët mund të ndryshojnë përgjigjet për t'iu përshtatur prirjes së veçantë të secilës kompani, plotësimi i këtyre aplikacioneve është ende një investim domethënës i kohës.

Ndërsa ka pasur një zhvendosje të dukshme drejt më shumë metodave miqësore të aplikimit me kandidatët në vitet e fundit, këto ende nuk janë modeli mbizotërues. LinkedIn në listat e vendeve të punës u lejon kandidatëve të paraqesin profilin e tyre të kësaj platforme pa asnjë material shtesë përmes një klikimi të vetëm, por nga 104.600 pozicionet me bazë në Neë York të listuara në Linkedin brenda muajit të kaluar, vetëm 11.926 lejojnë një aplikim të lehtë.

Sipas Jeff Jeëett, themeluesi i LayOffers, një platformë punësimi me bazë në Kaliforni, e krijuar për të ndjekur dhe luftuar humbjet e vendeve të punës të shkaktuara nga Covid-19, kompanitë kanë një arsye të mirë për të shmangur metodën e lehtë të aplikimit. "Çështja më e madhe që keni me lehtësimin e aplikimit të kandidatëve është se si menaxher punësimi, ju duhet të kontrolloni gjithnjë e më shumë kandidatë të pakualifikuar," thotë ai. Kandidatët gjithmonë kanë bërë kërkesë për punë "të mundshme" ose "aspiruese", thotë ai, kështu që menaxherët e punësimit tashmë ishin duke u bombarduar me njerëz që kurrë nuk do ti merrnin në punë.

Mungesa e njerëzve tek Burimet Njerëzore për të rekrutuar staf

Sipas një studimi të CareerBuilder, 60% e kandidatëve mund të heqin dorë nga një kërkesë për punë nëse aplikimi është shumë i gjatë ose i ndërlikuar. Për Buege, një proces i ngathët aplikimi është një tregues i mundshëm i qëndrimit të një kompanie ndaj punonjësve të saj ose kulturës së përgjithshme. Është gjithashtu një proces shqetësues; edhe pse një ekspert i komunikimit po aplikon vetëm për punë brenda profilit të saj, ajo merr një përgjigje të personalizuar vetëm 5% të kohës. "Të kalosh nëpër të gjitha këto portale dhe të shohësh se si njerëzit punësohen, më japin një ndjenjë jo pozitive për kompanitë, dhe më duhet të them se jo shumë prej tyre performojnë shumë mire në këtë drejtim", thotë ajo. "Unë me të vërtetë pyes veten se ku ka shkuar njeriu në burimet njerëzore."

Kur u pyet përse ATS-të nuk janë më miqësorë për kandidatët, Jared Lucas, oficer kryesor i burimeve njerëzore në kompaninë e softuerëve MobileIron dhe ish drejtor i Burimeve Njerëzore në LinkedIn, vëren se bëhet fjalë për përparësitë e kompanisë softuerike - është në interesin e tyre më të mirë për të kënaqur njerëzit që blejnë produktin e tyre së pari. Lucas, eksperienca e të cilit gjithashtu përfshin dy vjet si menaxher i Burimeve Njerëzore në gjigantin e teknologjisë HP gjatë një periudhe kur ata kishin 19,000 lista pune në çdo periudhë rekrutimesh, vlerëson se ai ka punësuar mbi 900 njerëz brenda gjashtë viteve që ai ka punuar në MobileIron. Megjithatë, duke vënë përballë një dekadë pune në Burimet Njerëzore, ai ende nuk ka parë një ATS që kënaq të dy; punëdhënësit dhe aplikantët. Në rastin më të mirë, ATS mund t'i dërgojë një e-mail të automatizuar një kandidati nëse ai është refuzuar, por edhe ai nivel minimal i mirësjelljes është i rrallë dhe nuk është plotësisht i dobishëm. "Mirë, unë jam refuzuar," thotë Lucas. "Por pse?"

Por nga këndvështrimi i një menaxheri të punësimit, sistemet e ndjekjes së aplikantëve janë një dhuratë, veçanërisht tani kur vetë ekipet e rekrutimit përballen me një vëllim më të madh të aplikantëve për çdo vend pune vakant. Në themelet e tyre, ata mund të mbledhin të dhënat nga CV e çdo aplikanti dhe t'i shfaqin ato në një aplikacion ën internet, duke lejuar një menaxher të punësimit të filtrojë aplikantët bazuar në kualifikime ose fjalë kyçe. Me softuerin më të përparuar, algoritmet janë në gjendje të shtresëzojnë kandidatët pa mbikëqyrjen njerëzore, duke prezantuar menaxherin e punësimit me një grup të përzgjedhur të aplikantëve me përparësi, përgjigjet e të cilëve përputhen nga afër me një grup të paracaktuar të kualifikuesve.

Jo vetëm që kjo eliminon punën për rekrutuesit, por sipas Sarah Hooker, drejtoreshë e marketingut të produkteve në ofruesin e softuerit Greenhouse, gjithashtu demonstron një përbërës kryesor të sistemeve të brendshme të ndërmarrjes.

Rregulloje, personalizo

Ndërsa teknologjia do të vazhdojë të përmirësohet në mënyra që të përfitojnë të dy palët - Jeëett tregon përparimet në mësimin e makinerive që do t'i mundësojnë sistemit të njohë dhe etiketojë CV me sinonime të fjalëve ose shprehjeve të ndryshimeve në vend që t'i lejojë ata të bien nëpër të çara - kurrë nuk do të ketë një aplikacion perfekt që të kënaqë të gjithë.

Sidoqoftë, ka disa hapa që kandidatët mund të ndërmarrin për të shmangur një vend të përhershëm brenda vrimës së zezë të portalit të karrierës. "Kur ata duan të nisin punë, unë mendoj se gjithmonë është kohë e harxhuar aplikimi në shumë kompani njëherësh," thotë Lucas, duke shtuar se në vend që të aplikoni për 100 vende pune, është në interesin e një kandidati për të zgjedhur 20 kompanitë më të mira dhe më pas të shkruajë letra motivimi me prezantime të personalizuara.

Pra, tani për tani, Buege do të bëjë pikërisht atë. "Është një atmosferë me të vërtetë e vështirë tani dhe unë do të vazhdoj të përpiqem dhe t'i përdor këto portale, por uroj që dikush të dalë me një portal edhe më të mirë që të jetë miqësor me aplikantët," thotë ajo.

Burimi:BBC/ Solli në shqip: Gazeta "Si"

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.