.png)
Krishtlindjet, me sa duket, për shitësit kanë ardhur më shpejt.
Ndërsa shumë familje janë ende duke nxituar për të përfunduar blerjet e tyre shkollore përpara se të fillojë viti i ri akademik, disa shitës me pakicë kanë krijuar tashmë atmosferën për Krishtlindje.
Por çfarë ndodh me Halloween? Dhe a duhet dikush të mendojë për Ditën e Falënderimeve?
Dyqanet i kanë nxjerrë në shitje produktet e Krishtlindjeve goxha herët.
Në vitin 2021, Amazon dhe Walmart, të frikësuar nga kërkesa e vakët e konsumatorëve për shkak të pandemisë, nisën shitjet e festave që në tetor. I njëjti model u përsërit vitin e kaluar, duke zgjatur efektivisht sezonin e blerjeve të festave të fundvitit.
Por tani, "zvarritja" e Krishtlindjes po ia kalon jo vetëm Halloween-it, por edhe konkurron me shpenzimet e konsumatorëve për shitjet e mjeteve shkollore.
A mund të normalizohen Krishtlindjet në verë?
"Unë pres që një sezon festash gjithnjë në rritje të jetë këtu për të qëndruar, të paktën për të ardhmen e afërt," tha Zak Stambor, analist i lartë i shitjeve me pakicë dhe tregtisë elektronike me Insider Intelligence.
Vëzhguesit e industrisë dyshojnë se dyqanet po shesin artikuj me temë Krishtlindje në mes të verës së këtij viti për disa arsye.
“Ata kanë inventarin e Krishtlindjeve që e kanë mbajtur nga viti i kaluar, kështu që ky është inventari që duhet të nxjerrin. E them këtë sepse normalisht do të kishit më shumë inventar të tranzicionit të vjeshtës për të nxjerrë, por mund të ndodhë që këto artikuj të mos kenë arritur ende në dyqane,” tha Nikki Baird, nënkryetare e strategjisë në kompaninë e teknologjisë me pakicë Aptos.
“Çdo shitës me pakicë është në një betejë për të rrëmbyer një pjesë sa më të madhe që mundet. Kjo përfshin Amazon, e cila e ka shtyrë sezonin e blerjeve të festave më herët se kurrë falë nisjes së shitjeve të saj Prime Early Access”, tha ai.
"Këto ngjarje i kanë shtyrë shitësit e tjerë që të nxjerrin mallrat e tyre të festave më herët se kurrë për të siguruar që ata të mos humbasin shitjet ndaj gjigantit të shitjes me pakicë."
Pra, ja kush e ka nisur garën për shitjet e Krishtlindjeve:
Home Depot: Zinxhiri i dyqanit të mobiljeve të shtëpisë tha se filloi të nxjerrë në internet mallra me temë pushimesh javën e kaluar. Shitësi me pakicë tha se përsëriti modelin që ka përdorur vitet e fundit për të rritur shitjet e artikujve festiv, si dekorimi gjigant i oborrit të Santa Claus pasi vuri re kërkesën e hershme dhe në rritje të klientëve.
Home Depot tha se planifikon të lançojë produktet e Halloween në dyqane në javën e fundit të gushtit dhe javën e parë të shtatorit, dhe një linjë tjetër pushimesh të produkteve më vonë në vjeshtë.
Lowe's (LOW) : Rivali i Home Depot Lowe's vuri në dukje se gjatë dy viteve të fundit shitësi me pakicë ka parë një rritje në kërkimet e dekorit të pushimeve duke filluar që në korrik, "me më shumë se 50% rritje në kërkim në Lowes.com mbi muajt e mëparshëm”, dhe lansoi herët produktet festive.
Kompania tha se blerësit e vetëdijshëm për buxhetin, të cilët po përballen me ndikimin e inflacionit ende të lartë në portofolin e tyre "po kërkojnë të shpërndajnë blerjet e tyre të pushimeve dhe të fillojnë më herët se sa kemi parë në vitin e kaluar".
Lowe's tashmë po shet pemë, dhe yje për blerësit e hershëm të produkteve të Krishtlindjeve.
“Për të përmbushur këtë interes në rritje për blerjet e hershme të dekorit të festave, Lowe's e nisi sezonin e festave më herët se kurrë më parë duke ofruar një përzgjedhje të kuruar të gjërave thelbësore të festave, të disponueshme për t'u blerë në Lowes.com tani , dhe në dyqan në fillim të shtatorit, "tha kompania në një email për CNN.
Dollar Tree: Zinxhiri i dyqaneve me zbritje bëri një ofertë në kohë të kufizuar "Krishtlindjet në korrik" më 20 korrik me 50% ulje në transport. Ndër sendet festive ishin stolitë e pemës së Krishtlindjes, fjongo festive, kukudhët prej pelushi dhe stolitë e tavolinës.
Starbucks (SBUX) : Është ende verë, por PSL e njohur e Starbucks — Pumpkin Spice Latte — e cila për shumë sinjalizon fillimin e sezonit festiv, pritet të dalë në meny në fund të gushtit, si vitet e fundit.
Burimi: CNN Business/ Përshtati: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
