Pse duhet të zbresë Mark Zuckerberg nga froni?

Në mbledhjen e përgjithshme vjetore të kompanisë të enjten pritet të zhvillohet një votim, ku do të kërkohet që shefi i Facebook, Mark Zuckerberg mos të jetë më kryetari i këtij rrjeti social. Zuckerberg është edhe shefi ekzekutiv i Facebook dhe kryetari i bordit të drejtorëve. Ata që kanë kërkuar që Zuckerberg ta japë dorëheqjen si kryetar thonë se kjo do ta ndihmonte të përqendrohej në drejtimin e kompanisë. Zuckerberg nuk ka gjasa të humbasë, sepse ai zotëron 60% të aksioneve të kompanisë. Megjithatë, përqindja e aksionarëve që votojnë kundër tij mund të tregojnë se sa besim kanë në udhëheqjen e tij.

Trillium Asset Management zotëron rreth 7 milion dollarë vlerë të aksioneve të Facebook dhe punon me biznese të tjera që kontrollojnë "qindra miliona" dollarë me vlerë të aksioneve të kompanisë. Kompania kërkon që Zuckerberg që mos të jetë më kryetar.

"Ai është duke mbajtur dy punë me orar të plotë në një nga kompanitë më të njohura në botë dhe nëse ai mund të përqendrohet në të qenit CEO, dhe të lejojë që dikush tjetër të përqëndrohet në karrigen e pavarur të bordit, kjo do të ishte më mirë ", tha Jonas Kron, nënkryetar i lartë në Trillium. "Ai ka shembuj në Larry Page dhe Bill Gates dhe Microsoft, që edhe pse themelues, nuk kanë qenë drejtuesit e bordit. "Unë e kuptoj se kjo nuk mund të jetë një hap i lehtë për t'u marrë, por është një hap i rëndësishëm që do të ishte për përfitimin e tij dhe për përfitimet e aksionerëve të tij".

Në maj, ish shefi i sigurimit i Facebook, Alex Stamos, bëri thirrje për Zuckerberg që të japë dorëheqjen si shef ekzekutiv. "Ka një argument të ligjshëm se ai ka shumë pushtet", tha Stamos në një Konferencë në Kanada.
Në prill, ai tha: "Kur po ndërton diçka si Facebook, e cila është e pashembullt në botë, ka gjëra që do të bllokoheni.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.