Partia Socialiste depoziton kërkesën për mocion me debat për dekretin e Presidentit Ilir Meta për të zhdekretuar datën e zgjedhje të 30 qershorit. Kërkesa është bërë nga kryetari i grupit parlamentar të PS-së, Taulant Balla i cili i ka kërkuar kryeparlamentarit Gramoz Ruçi që të fusë në seancën e së enjtes debatin me mocion për këtë akt të presidentit, duke përfshirë në fund edhe miratimin e një rezolute.
Sipas kreut të Grupit Parlamentar të PS, vendimi i Presidentit Meta “është një akt që synon të pengojë në mënyrë të kundraligjshme realizmin e të drejtës kushtetuese të shtetasve shqiptarë për të zgjedhur përfaqësuesit e tyre në pushtetin vendor”.
Rezoluta që pritet të shqyrtohet të enjten pritet të propozojë nisjen e procedurave për shkarkimin e Ilir Metës nga posti i presidentit.
Ndërkohë që kjo kërkesë vjen menjëherë pas mbledhjes së Kryesisë së PS-së, e cila vendosi që të ketë diskutime nga mazhoranca për dekretin e presidentit, të cilin e cilësoi si antikushtetues dhe të pabazuar në ligj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.