Seanca gjyqësore ndaj ish-Prokurorit të Përgjithshëm, Adriatik Llalla është shtyrë. Shkak është bërë kërkesa e Llallës për marrjen e provave të reja, akt-ekspertime dhe pyetjen e dëshmitarëve të tij nga ana e Gjykatës së Posaçme dhe Korrupsionit dhe Krimit të Organizuar.
Në një seancë, e cila nisi rreth orës 9:00, ish- kryeprokurori u paraqit i vetëm pa avokatin e tij. Seanca zgjati rreth një orë, ku i pandehuri Adriatik Llalla ka kërkuar marrjen e provave me të cilat do të mbrohet gjatë këtij procesi.
Kërkesë për administrim provash ka bërë dhe prokurori i çështjes. Gjykata u tërhoq për vendim dhe pranoi të përfshijë në dosje prova të palëve.
Llalla është thirrur i pandehur për mosdeklarimin e pasurisë së tij. Pranimi i kërkesës nga SPAK për revokimin e gjykimit të shkurtuar, do të thotë se gjyqi ndaj ish-kryeprokurorit do të nisë nga e para.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.