Protestuesit në komunat veriore të vendit, Zveçan, Leposaviq dhe Zubin Potok u mblodhën sot para ndërtesave komunale për të vazhduar protestat kundër kryetarëve shqiptarë të komunave por ishin më të paktë.
Nata e mbrëmshme ka kaluar e qetë në këto komuna.
Për dallim nga herat tjera, gjatë ditës së djeshme në komunën e Zubin Potokut nuk ka pasur protestues, ndërsa qytetarët serbë kanë festuar “Ditën e përkujtimeve’.
Pjesëtarë të KFOR-it dhe të Policisë së Kosovës po vazhdojnë të qëndrojnë pranë dhe brenda ndërtesave komunale në ruajtje të rendit.
Aktualisht situata e përgjithshme në këto tre komuna paraqitet e qetë.
Lista Serbe, partia më e madhe e serbëve në Kosovë, ka thënë sot se do të marrë pjesë në zgjedhje, që eventualisht do të mund të mbahen për komunat në veri, kur t’i plotësohen dy kushte.
Ajo ka kërkuar se forcat speciale të Policisë së Kosovës duhet të tërhiqen nga veriu i Kosovës dhe që të formohet Asociacioni i komunave me shumicë serbe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.