.png)
Protesta studentore në Tiranë, është përqafuar edhe nga kolegët e Elbasanit pasditen e sotme. Me parullat “Universiteti Aleksandër Xhuvani nis ngujimin” dhe “Ngrihuni popull se po na shtypin”, studentët kanë bllokuar hollin e godinës dhe disa prej tyre qëndrojnë të ulur në karrige.
Ndërkohë një tjetër revoltë ka nisur në Tiranë, te fakulteti i Shkencave Sociale, ku pedagogët kanë mbështetur protestën e studentëve.
Këtu, një grup pedagogësh i janë drejtuar me një letër përfaqësuesve të tyre në senatin e universitetit, duke u kërkuar që të mbrojnë kërkesat e studentëve, të kërkojnë shfuqizimin e ligjit për Arsimin e Lartë dhe të dënojnë dhunën.
Sipas 32 pedagogëve, dhuna në institucionet e arsimit të lartë është e patolerueshme, por përgjigja e senatit akademik duket se i ka lënë “me gisht në gojë” pasi mbështeten edhe kërkesat e protestës, por edhe rikthimi në mësim, që u përshëndet edhe nga kryeministri Edi Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
