.png)
Ambasada amerikane ka vënë në dijeni shtetasit e saj dhe i ka këshilluar të kenë kujdes në protestën e nesërme të opozitës, 25 maj 2019.
Në një njoftim publikuar në faqen zyrtare, ambasada bën me dije pikat kyçe se ku do të zhvillohet protesta, ndërsa i sugjeron ata që të shmangin grumbullimet e mëdha dhe fushat ku demonstratat janë të pashmangshme ose në vazhdimësi dhe të monitorojnë mediat lokale për përditësime.
“Një demonstratë e madhe pritet të zhvillohet pranë Zyrës së Kryeministrit më 25 maj 2019, duke filluar nga ora 7:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstratat e kohëve të fundit kanë qenë edhe të dhunshme. Forcat e sigurisë kanë përdorur shihedhëset dhe gazin lotsjellës për të shpërndarë turmat. Pikat e grumbullimit përfshijnë, por nuk kufizohen vetëm në zonat e mëposhtme në Shqipëri: Ndërtesa e Parlamentit; Zyra e Kryeministrit; Ndërtesa të tjera qeveritare”, njofton ambasada.
Më tej theksohet se “personeli i Ambasadës së SHBA-së dhe anëtarët e familjeve të tyre duhet të shmangin të gjitha pikat e grumbullimit dhe vendet ku demonstratat janë të pashmangshme ose në vazhdimësi”.
Veprimet që duhen kryer:
-Shmangni grumbullimet e mëdha dhe fushat ku demonstratat janë të pashmangshme ose në vazhdimësi.
-Jini të vetëdijshëm për rrethanat tuaja.
-Monitoroni mediat lokale për përditësime.
-Mbani një profil të ulët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
