.png)
Gazeta Si - Zemërimi për vdekjen e Mahsa-s ka ndezur Iranin prej dy javësh: ka një brez të tërë në rrugë, të gatshëm të rrezikojnë jetën kundër vdekjes së gruas kurde 22-vjeçare të arrestuar për veshjen e gabuar të mbulesës.
Për ditë të tëra në rrugë ata kanë sfiduar një represion të ashpër: numri i të vdekurve vazhdon të rritet, të paktën 76 dhe disa qindra të arrestuar, duke përfshirë rreth njëzet gazetarë.
Raportimet për dhunë dhe rrahje në burg janë duke u shumëfishuar. Në pranga përfundoi edhe aktivistja Faezeh Hashemi, vajza “rebele” e ish-presidentit Akbar Hashemi Rafsanjani, lider i Revolucionit Islamik të vitit 1979, një nga bashkëpunëtorët më besnikë të Khomeinit.
Gruaja u arrestua (dhe kjo nuk është hera e parë) për nxitje të "kundër-revolucionarëve", siç i përcaktoi presidenti iranian, Ebrahim Raisi këta demonstrues paqësorë, duke folur në një intervistë televizive.
Nga njëra anë, Raisi u përpoq të qetësonte zemërimin: ai siguroi një hetim të gjithanshëm, "duam drejtësi dhe transparencë" për vdekjen e Mahsa Aminit, e cila "na trishtoi të gjithëve", tha ai.
Nga ana tjetër, ai shprehu zero tolerancë ndaj protestave: “Ata që së shpejti marrin pjesë në trazira, duhet të trajtohen me vendosmëri, kjo është kërkesa e popullit”. “Protesta është diçka tjetër përveç kaosit”, shtoi ai.
"Armiku ka goditur unitetin kombëtar dhe dëshiron t'i vërë njerëzit kundër njëri-tjetrit", tha lideri ultra-konservator me një referencë të nënkuptuar ndaj Shteteve të Bashkuara, të cilat e kanë dënuar me vendosmëri grushtin e fortë kundër demonstratave.
Kritika për shtypjen e Teheranit dhe mbështetjen për gratë protestuese erdhi edhe nga Spanja e Gjermania, të cilat thirrën ambasadorët e Iranit në vendet e tyre përkatëse.
Edhe liderja e “Vëllezërve të Italisë” dhe kryeministrja e zgjedhur, Giorgia Meloni, shprehu "afërsinë me gratë e guximshme që luftojnë në Iran dhe në botë për të mbrojtur të drejtat dhe lirinë e tyre", në një mesazh në rrjetet sociale, ku citoi "Revoltën heroike të grave iraniane kundër regjimit të ajatollahëve".
Mbështetja për protestat rritet brenda dhe jashtë kufijve. Në vendin e ajatollahëve, edhe ekipi kombëtar i futbollit mori në mbrojtje të femrat dhe të rinjve iranianë, të veshur me të zeza gjatë himnit të së martës në mbrëmje, para një ndeshjeje miqësore në Austri.
Iniciativat e solidaritetit po shumohen në mbarë botën. Nga Berlini në Nju Jork, nga Ankaraja në Madrid dhe madje edhe në Kabul, mijëra njerëz dolën në rrugë duke thirrur "grua, jetë, liri!", parulla e kënduar nga të rinjtë iranianë.
Në duart e tyre mbanin foton e Mahsa-s dhe shpesh një palë gërshërë për të prerë flokët, në emrin e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
