.png)
Prokuroria e Korçës ka pushuar hetimin në lidhje me rastin e vdekjes në Komisariat të Enea Ftoit. Prokurori i kësaj çështje ka deklaruar se fakti i ndodhur nuk përbën vepër penale dhe prandaj kishte vendosur që të pushonte hetimin. Në përfundim të hetimeve, çështja do ti dërgohet gjykatës, me kërkesë për pushimin e çështjes.
“Pavarësisht pretendimit të familjarëve të viktimës, mbi Enea Ftoin policia nuk ka ushtruar dhunë. 27 vjeçari vdiq për shkaqe natyrore, si pasoje e ishemisë akute të miokardit. Enea Ftoi ishte përdorues i lëndëve narkotike dhe vuante nga problemet në mushkëri.
Prokuroria ka marrë dëshmitë e policëve dhe disa personave të shoqëruar në Komisariatin e Korçës, në kohën kur i riu ndodhej i shoqëruar, por asnjë prej tyre nuk pohon ushtrimin e dhunës ndaj Enea Ftoit”, ka shtuar më tej në argumentimin e tij prokurori.
Ndërkohë më herët, i ati i të riut dorëzoi disa prova në Prokurori, ku sipas tij vërtetonin dhunën që ka ushtruar policia ndaj djalit të tij. Tomorr Ftoj thotë se dorëzoi në Prokurori CD dhe filmime ku sipas tij dukej dhuna në trupin e të ndjerit Enea Ftoj.
Por, vendimi i Prokurorisë nuk është pranuar nga familjarët e tij, të cilët kanë bërë të ditur për mediat se tashmë do të kryejnë vetëgjyqësi. Babai i 27-vjeçarit, Guri Ftoi ka hedhur poshtë konkluzionet se policia nuk kishte e ushtruar dhunë, pasi sipas tij, djali kishte krahun e thyer.
“Unë akuzoj 8 policë të Komisariatit të Korçës për vdekjen e djalit. Policia fshehu rrobat dhe këpucët me gjak të Eneas”,- tha asokohe i ati i të ndjerit.
Familjarët e kanë kundërshtuar ekspertizën mjeko-ligjore për vdekjen e 27-vjeçarit, i cili ishte ndaluar me akuzën e vjedhjes dhe gjeti vdekjen ne ambientet e Komisariatit të Korçës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
