.png)
Ministrja e Financave dhe Ekonomisë prezantoi në Kuvend, projektligjin për të rritur eficencën e punës në fushën e Pronësisë Industriale.
Sipas saj ky projektligj përafron me legjislacionin europian dhe përmirëson kuadret rregullatore të bizneseve, të cilat duken se kanë ende probleme me krijimin dhe legjitimitetin e një marke.
“Projektligji synon rritje të transparencës me sistem kompjuterik, rritje të cilësisë së shërbimeve dhe ulje të kohës së marrjes së shërbimeve të pronësisë industriale”, -u shpreh ministrja Denaj.
Ajo tregon se gjatë vitit 2020, në Drejtorinë e Përgjithshme të Pronësisë Industriale janë regjistruar 1.555 marka, nga të cilat 475 ishin shqiptare dhe pjesa tjetër e huaj.
Ministria e Financave ka bërë herë pas here trajnime dhe takime dedikuar Pronësisë Industriale duke i bërë thirrje dhe bizneseve duke i treguar rëndësinë e krijimit të një marke, si sekret tregtar.
DPPI është institucioni i vetëm nëpërmjet të cilit shteti shqiptar jep të drejtat mbi patentat mbi shpikjet dhe modelet e përdorimit, topografinë e produkteve gjysmëpërçues, markat tregtare dhe të shërbimit, disenjot industriale dhe treguesit gjeografikë, duke iu njohur mbajtësve të së drejtave pronësinë mbi këto objekte, nëpërmjet regjistrimit të tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
