.png)
Gazeta Si - Një tunel nënujor për të lidhur Rusinë dhe Krimenë, duke shmangur kështu bastisjet e Ukrainës.
Sipas asaj që zbulon gazeta amerikane “Washington Post”, menaxherët rusë dhe kinezë u takuan për të nisur projektin.
Shqetësimi i Moskës është në fakt se ura e Kerçit, që tani përdoret për logjistikën dhe furnizimet e ushtrisë ruse në rajonet jugore të Ukrainës, është shumë e ekspozuar.
Ura në fakt është goditur nga bastisjet e Kievit disa herë që nga tetori i vitit të kaluar. “Ky është një zbulim që bën të kuptojmë se sa jetike është për Moskën të mbajë kontrollin e Krimesë, të aneksuar ilegalisht në vitin 2014 dhe një lajm që konfirmon varësinë në rritje të Moskës nga Kina, nënvizon ‘Washington Post’”.
Megjithatë, projekti do të marrë vite dhe miliarda dollarë për t'u ndërtuar dhe është i krahasueshëm në madhësi me tunelin në ndërtim për tetë vjet midis Danimarkës dhe Gjermanisë, kostoja e të cilit vlerësohet në më shumë se 8.7 miliardë dollarë.
Ndërtimi i tunelit të Krimesë do të përbënte gjithashtu rreziqe politike dhe financiare për Kinën, e cila kurrë nuk e ka njohur zyrtarisht aneksimin e Krimesë nga Rusia dhe kompanitë e së cilës mund të bllokohen në rrjetën e sanksioneve ekonomike që Shtetet e Bashkuara dhe Rusia i kanë vendosur Moskës.
Megjithatë, emailet e përgjuara nga gazeta amerikane tregojnë se një nga kompanitë më të mëdha të ndërtimit të Kinës ka treguar tashmë gatishmërinë e saj për të marrë pjesë në projekt, duke përfshirë Korporatën e Ndërtimit të Hekurudhave Kineze, CRCC.
Mesazhet iu përcollën “Washington Post” nga zyrtarë ukrainas. Plani për ndërtimin e tunelit vjen pasi Rusia po shtyn përpara me projekte të tjera infrastrukturore në territoret që i ka pushtuar që nga viti 2014 ose ka marrë pas pushtimit të vitit të kaluar.
Imazhet e fundit satelitore tregojnë seksione të reja hekurudhore përgjatë bregut të detit Azov.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
