Gazeta Si - Ambasada amerikane në Tiranë dhe delegacioni i BE-së në vendin tonë, inkurajojnë zgjedhjen e prokurorëve të kualifikuar dhe me integritet në vijim të procesit për 3 vendet vakante në SPAK.
Përmes një njoftimi në rrjetet sociale, SHBA thekson se po ndjek nga afër procesin lidhur me garën e prokurorëve për tre vendet e fundit vakante në SPAK.
Ambasada amerikane në Tiranë shprehet se Shtetet e Bashkuara presin që ky proces të rezultojë në përzgjedhjen e prokurorëve më të kualifikuar.
The U.S. Embassy is closely following the interviews and assessments by the High Prosecutorial Council of the prosecutor candidates applying for the final three vacancies at SPAK. The United States expects this crucial process to result in the selection of those most qualified… pic.twitter.com/NvGU9BQIIt
— USEmbassyTirana (@USEmbassyTirana) December 7, 2023
“Ambasada Amerikane po ndjek nga afër intervistat dhe vlerësimet nga Këshilli i Lartë i Prokurorisë për kandidatët për prokurorë që aplikojnë për tre vendet vakante të fundit në SPAK. Shtetet e Bashkuara presin që ky proces vendimtar të rezultojë në përzgjedhjen e atyre prokurorëve më të kualifikuar me nivelet më të larta të guximit, profesionalizmit, integritetit dhe pavarësisë. Shtetet e Bashkuara mbeten të përkushtuara për të mbështetur Shqipërinë teksa ajo lufton korrupsionin, forcon institucionet e saj të drejtësisë dhe mbështet shtetin e së drejtës. SPAK mbetet një pjesë kritike e kësaj përpjekjeje.”, thuhet në reagimin e ambasadës.
Po kështu edhe delegacioni i BE-së shkruan: “Këshilli i Lartë i Prokurorisë do të vijojë ditën e sotme me përzgjedhjen e tre prokurorëve të rinj të SPAK. Kjo duhet të kontribuojë në forcimin e punës së SPAK-ut, integritetit dhe pavarësisë së tij. Ky institucion kyç duhet të mbështetet në profesionistët më të mirë në dispozicion për të përmbushur misionin e tij thelbësor”, - vijon njoftimi i delegacionit të BE.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.