Gazeta Si – Myrto Uzuni përkrah yjeve të La Ligës, si Xhud Belingham i Real Madrid, Ferran Torres i Barcelonës, apo Saul i Atletiko Madrid. Sulmuesi shqiptar është përzgjedhur nga prestigjiozja ‘Marca’ në formacionin më të mirë të javës së 3-të të La Ligës.
Granada e Uzunit mundi 3-2 Majorkën, duke marrë fitoren e parë të kampionatit, kurse futbollisti beratas gjeti golin e parë nga pika e bardhë e penalltisë. Një vlerësim ky për lojtarin kuqezi në prag të dy sfidave vendimtare të Kombëtares me Çekinë dhe Poloninë.
Uzuni përbënte dyshen e sulmit në formacionin e javës bashkë me Ferran Torres të Barcelonës. Ai gol i shënuar ndaj Majorkës ndoshta do ta ndihmojë sulmuesin të ketë vazhdimësi në kampionat, pse jo dhe të shënojë me fanellën kuqezi në ndeshjet e shtatorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.