.png)
Këshilli Evropian është mbledhur në Bruksel ku temë kryesore diskutimi janë Brexit, negociatat dhe Turqia. Presidentja e zgjedhur e Komisionit Europian, Urusula von der Leyen tha se është “zhgënjyese dhe ndjen keqardhje për shtyrjen e zgjerimit të BE-së”.Sipas der Leyen sot nuk ka shenja që të këtë vendim për zgjerimin e BE-së.
Nesër pritet të merret vendimi mbi Shqipërinë dhe Maqedoninë e Veriut sa i përket negociatave me BE-në. Presidenti francez Emmanuell Macron ka vendosur veton sa i përket dy vendeve të Ballkanit dhe se për këtë ka kërkuar që ketë më parë një reformim të Bashkimit Europian.
Pas dështimit të samitit franko-gjerman, kancelaria Angela Merkel u shpreh se shanset janë të pakta për dy shtetet e Ballkanit.
“Shanset për arritjen e një vendimi të përbashkët në samitin e BE-së për dhënien e datës për fillimin e negociatave me Maqedoninë e Veriut dhe Shqipërinë nuk janë të mira”, ka deklaruar në orët e paradites kancelarja gjermane Angela Merkel. Gjatë fjalimit në Bundestag, para udhëtimit për në Bruksel, Merkel ka deklaruar; “ne kemi përgjegjësi ndaj këtyre vendeve dhe mendoj se kemi llogari që këtyre dy vendeve t’u japim perspektivë europiane”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
