Rasti i Enkelejd Alibeajt nuk është i pari precedent lidhur me faktin nëse duhet të përfaqësojë PD-në në zgjedhje si kryetar apo jo.
E njëjta situatë është edhe për Bindjen Demokratike, ku në regjistrin e partive politike në gjykatë rezulton kryetar Astrit Patozi, por qysh prej një viti, në krye të partisë është vendosur Fabian Topollari.
Në ankesën që Bindja Demokratike i ka depozituar Ilirjan Celibashit thuhet se vendimi i ri është depozituar në gjykatë që në muajin shkurt 2023 dhe cështja mbetet ende në gjykim
Bindja Demokratike kërkon që në fletën e votimit të regjistrohet me kryetarin në detyre që i ka cuar partia (Fabian Topollari) dhe jo emri që figuron ende në gjykatë, Astrit Patozi.
Ka një problematike edhe me regjistrimin e LZHK –së së Dashamir Shehit. Kjo e fundit ka ndryshuar emrin në gjykate si subjekt zgjedhor si “Aleanca Progresiste LZHK”. Ilirjan Celibashi e ka regjistruar me emrin që përfaqësohet në gjykatë, ndërsa LZHK kërkon që të regjistrohet me emrin e ri.
Të dyja ankesat do të shqyrtohen të shtunën nga KQZ.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.