.png)
Një javë pasi ka pranuar mandatin e deputetit në listat pasuese të PD, kreu i OMONIA-s në Korçë, Ligoraq Karamelo, është kërcënuar me jetë. Mësohet se kanë qenë tre persona ata që kanë kërcënuar Karamelon, teksa dilte nga një kafene e qytetit.
“Isha duke dalë nga lokali kur u kërcënova. Tre persona tentuan të më godasin dhe më quajtën tradhtar”, ka treguar Karamelo për mediat.
Pavarësisht se është tentuar të sulmohet fizikisht, Karamelo thekson se nuk heq dorë nga mandati i deputetit. Sipas tij, një nga personat që e kërcënoi është arrestuar pas denoncimit që deputeti i PD ka bërë në polici.
Karamelo ka pranuar një javë më parë mandatin e deputetit, duke plotësuar vendin bosh të lënë të lirë nga Valentina Duka e Partisë Demokratike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
