Para ndeshjes së Ligës së Europës mes Shkëndijës së Tetovës dhe Totenhemit, që u mbyll me fitoren e anglezëve, 1-3, ka ndodhur një episod i pazakontë me portat, që ishin 5 centimetra më të shkurtra dhe që më pas u zëvendësuan. Një episod që e ka zbuluar vetë trajneri i ekipit anglez, Zhoze Mourinjo.
“Para ndeshjes portierët tanë u ankuan se portat nuk ishin në përmasat e duhura. Ata stërviten çdo ditë me portat dhe kur ka diçka që nuk shkon, e kuptojnë menjëherë. Shkova vetë e verifikova. Nuk kam qenë ndonjëherë portier, por futbolli është jeta ime që fëmijë. Ngrita dorën dhe aty e kuptova edhe unë që kishte një problem, ishin 5 centimetra më të shkurtra. Lajmëruam delegatin e UEFA-s dhe më pas portat u ndërruan”, - u shpreh Murinjo gjatë konferencës së shtypit pas ndeshjes.
Trajneri i njohur portugez vlerësoi performancën e Shkëndijës së Tetovës, ndërkohë që shprehu keqardhjen për mungesën e tifozëve në stadiumin “Teodor Proeski” të Shkupit. Për skuadrën tetovarë, aventura europiane ka përfunduar këtu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.