.png)
Politika shqiptare ka uruar në rrjetet sociale festën e Ditës së Verës. Presidenti Ilir Meta ka qenë i pari që ka hapur “siparin” në mëngjes, duke publikuar një foto në natyrë me mbishkrimin:
“Pas një Dimri të gjatë e të vështirë, Pranvera po vjen furishëm! Gëzuar Ditën e Verës”.
Kryeministri Edi Rama ka uruar festën e Ditës së Verës nëpërmjet një video të postuar në Facebook.
Nën ritmet e këngës “Elbasan i bukur Elbasan”, në video e postuar nga Rama duket një kolazh fotosh me simbolet e Ditës së Verës. “Gëzuar Ditën e Verës”, shkruan shefi i qeverisë.
Festa është uruar edhe nga kreu i Partisë Demokratike, Lulzim Basha. “Gëzuar ditën e verës qytetarëve të Elbasanit dhe gjithë Shqipërisë”, shkruan Basha.
Për kryeparlamentarin Gramoz Ruçi, kjo festë është e kufizuar për t’u organizuar sipas traditës, për shkak të pandemisë.
“Dita e Verës, për herë të dytë, festohet në stinë të vështirësuara nga pandemia. Por kjo e keqe që ka goditur planetin dhe Shqipërinë, gjithashtu, na ka kufizuar fizikisht dhe materialisht, por jo shpirtërisht. Pandemia nuk depërton dot në zonat e jetës shpirtërore, të cilat janë të mbrojtura nga dashuria për jetën, prirjen për lumturi dhe besimi se në të ardhmen me ditë më të mira. Le të gëzojmë bashkarisht këte ditë, të mblidhemi rreth tryezës brenda vatrava familjare dhe të urojmë e besojmë se pas kësaj Vere, pandemia do të jetë një kujtim”, shkruan Kryetari i Parlamentit shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
