.png)
Dhjetra forca policore të shoqëruar me dronë dhe qen antidrogë mësynë pasditen e së premtes zonën e kontenierëve në Portin e Durrësit dhe terminalin e pasagjerëve të këtij porti.
Detaje të aksionit nuk jepen, por burime për gazetën “Si” pohojnë se aksioni ishte ndërmarrë pas sinjalizimeve për sasi droge të fshehura në kontenierët që presin të shkarkohen në këtë port.
Zyrtarisht nuk ka asnjë informacion nëse gjatë këtij operacioni është sekuestruar drogë, por disa persona janë shoqëruar.
Në fund, policia tha se ka kontrolluar mbi 100 konteinerë, dhjetra magazina, skafe e peshkarexha si dhe objekte të tjera, ku ka sekuestruar armë dhe dokumente e targa të falsifikuara dhe cigare kontrabandë, por nuk njoftohet për drogë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
