Pas mbishkrimit “Shame on you” (Turp të kesh!), në muret e shkallës së pallatit ku banon, policia ka marrë në mbrojtje banesën e ambasadorit të OSBE, Bernd Borchardt dhe familjen e tij.
Mësohet se efektivët e policies së shtetit janë vendosur poshtë pallatit të ambasadorit duke qëndruar aty për 24 orë, ndërkohë që ky pallat mbikqyret dhe nga kamerat e sigurisë si dhe policia private.
Deri tani janë shoqëruar dy vajza të cilat u morën në pyetje (njëra aktviste e LSI-së) në lidhje me parrullën që u shkrua kundër ambasadorit dhe më pas u liruan.
Ngjarja ndodhi në protestën e 11 majit, pasi ambasadori dënoi ashpër sulmet me bomba molotov ndaj policisë dhe institucioneve. SHBA dhe ambasadat e BE dënuan në bllok sulmin ndaj ambasadorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.