Policia e Durrësit ka proceduar penalisht katër persona, pasi akuzohen për veprën penale “Prishja e qetësisë publike”.
Gjatë kontrolleve të shtuara në zonën e plazhit ndaj subjekteve që nuk respektojnë protokollet e sigurisë për parandalimin e përhapjes së COVID-19, policia ka konstatuar dy lokale në lagjen nr. 13, te Shkëmbi i Kavajës që kishin vendosur muzikë të lartë, tej normave të lejuara.
Policia thotë se janë proceduar penalisht shtetasit: M. S., 32 vjeç dhe V. L., 45 vjeç, banues në Durrës, DeeJay dhe pronar i një resorti në lagjen nr. 13, te Shkëmbi i Kavajës, pasi kishin vendosur muzikë të lartë si dhe shtetasit E. P., 31 vjeç dhe S. L., banues në Durrës, DeeJay dhe menaxher i një hoteli, në lagjen nr. 13, te Shkëmbi i Kavajës, pasi kishin vendosur muzikë të lartë.
Në cilësinë e provës materiale janë sekuestruar pajisjet që përdoreshin për të bërë muzikë në ambientet e këtyre lokaleve.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.