.png)
Gazeta Si – Mesfushori i Juventusit, Pol Pogba, është dënuar me 4 vjet skualifikim për doping. Gjykata kombëtare antidoping ka vendosur për atë që kishte kërkuar Prokuroria.
Francezi rezultoi pozitiv ndaj testosteronit në një kontroll pas ndeshjes Udineze-Juventus të 20 gushtit të kaluar. Ai u pezullua menjëherë, ndërsa tani vjen vendimi. Sentenca mund të ankimohet në KAS, Gjykata e Arbitrazhit Sportit të Lozanës, nga avokatët e futbollistit.
Gjyqtarët e çështjes nuk kanë marrë parasysh palën mbrojtëse, që kishte vendosur të mos pranonte një pakt, duke pretenduar mungesën e substancës së ndaluar. Pogba u pezullua më 12 shtator, pasi kishte luajtur disa minuta në dy ndeshje të Serisë A. Edhe analizat e dyta kishin konfirmuar faktin se lojtari ishte pozitiv.
Në moshën 31-vjeçare, pas këtij vendimi, karriera e mesfushorit mund të ketë marrë fund. Kontrata që ai ka me Juventusin është ende në fuqi dhe skadon në 2026-ën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
