Gazeta Si – Jo vetëm Milani, edhe Roma kërkon shërbimet e sulmuesit të Kombëtares, Armando Broja. Dy klubet e Serisë A kanë vënë në shënjestër lojtarin kuqezi, pasi kanë nevojë për të përforcuar sulmin. Por nuk e kanë aspak të lehtë, sepse Çelsi ka ‘frenuar’ largimin e Brojës.
Qëndrimin e klubit londinez e ka bërë të qartë trajneri Mauricio Poçetino, i cili në konferencë shtypi ka theksuar se beson te Broja: "Besoj shumë tek ai, - është shprehur trajneri argjentinas. – Mund të jetë një sulmues vërtet i rëndësishëm për ne". Fjalë këto që zbehin shpresat e Milanit dhe Romës për sulmuesin shqiptar.
Broja, sipas të gjitha gjasave, nuk do të lejohet nga Çelsi për dy ndeshjet e Kombëtares në shtator, pasi sapo ka lënë pas dëmtimin dhe nuk është në gjendje të luajë. Sulmuesi ynë më i mirë ka munguar në tri ndeshjet e para kualifikuese të Euro 2024 në grup, ku Shqipëria ka marrë 6 pikë.
Në listën e trajnerit Silvinjo, përveç Arbnor Mujës, një sulmues anësor, pritet të jetë edhe emri i Mirlind Dakut, ose Xhakomo Vrionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.