.png)
Gazeta Si – Një fëmijë 7-vjeç u përplas për vdekje nga një automjet në aksin rrugor Elbasan-Librazhd mëngjesin e kësaj të hëne.
Sipas policisë, mjeti drejtohej nga Petri Bozo, 61-vjeç, i cili është ndaluar dhe shoqëruar në Komisariat për veprime të mëtejshme.
Sipas burimeve paraprake, i mituri ka qenë duke kaluar rrugën për të ikur në shkollë, kur është përplasur nga makina.
Por sipas dëshmive të banorëve, automjeti që u përfshi në ngjarje dyshohet se lëvizte me shpejtësi të lartë, pavarësisht pretendimeve të drejtuesit të mjetit se po udhëtonte me rreth 10 km/h.
Pas aksidentit banorët e zonës kanë ndërhyrë menjëherë për të nxjerrë fëmijën nga automjeti i përfshirë në ngjarje.
Grupi hetimor ndodhet në vendngjarje po punon për zbardhjen e rrethanave të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje