.png)
Gazeta Si – Një 35-vjeçar është plagosur me armë zjarri në këmbë në Kurbin, këtë të premte në rrethana ende të paqarta. Sipas policisë, i riu është paraqitur për ndihmë mjekësore në Spitalin e Traumës në kryeqytet.
“Në Spitalin e Traumës, Tiranë, rreth orës 11:15, ka shkuar për ndihmë mjekësore, i dyshuar i plagosur me armë zjarri në këmbë, në rrethana ende të paqarta në Fushë-Kuqe, Kurbin, shtetasi A.T., 35 vjeç, banues në fshatin Fushë-Kuqe, i cili aktualisht është jashtë rrezikut për jetën”, – njofton policia.
Sipas burimeve paraprake, i dëmtuari është futur në sallën e operimit, pasi ka marrë një plagë tek kupa e gjurit. Ambulanca e Kurbinit e ka marrë 35-vjeçarin dhe e ka dërguar menjëherë në Spitalin e Traumës, por nuk ka njoftuar Policinë e Lezhës.
Grupi hetimor, në drejtimin e Prokurorisë, po punon për sqarimin e rrethanave të ngjarjes, identifikimin dhe kapjen e autorit/ve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje