Një 30-vjeçar është goditur me thikë në kurriz dhe krah gjatë natës në zonën e Astirit në kryeqytet.
Mësohet se i plagosuri me inicialet G. H, është në spital nën kujdesin e mjekëve.
“Më datë 09.02.2021, në rrugën ‘Teodor Keko’, nga persona ende të paidentifikuar është goditur me mjet prerës (thikë), shtetasin G. H., 30 vjeç, banues në Tiranë, i cili ndodhet në spital jashtë rrezikut për jetën. Punohet për identifikimin dhe kapjen e autorëve”, njofton Policia e Tiranës.
Nuk dihet ende motivi i ngjarjes, por mësohet se autorët kanë qenë 3.
Policia po punon për t’i identifikuar nëpërmjet kamerave të sigurisë dhe dëshmisë së të lënduarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
