Një 35-vjeçar ka mbetur i plagosur me armë zjarri, për motive ende të panjohura në qytetin e Fierit. Ngjarja ka ndodhur në orën 17:30, në lagjen "11 Janari", ku autori i dyshuar i ngjarjes është identifikuar dhe po punohet për arrestimin e tij.
Njoftimi:
Rreth orës 17:30, në lagjen “11 Janari”, pas një konflikti të çastit, është plagosur në këmbë me armë zjarri shtetasi M. Rr, 35 vjeç, banues në Fier, i cili ndodhet jashtë rrezikut për jetën në Spitalin Rajonal Fier.
Policia ka bërë të mundur identifikimin e autorit të dyshuar dhe po punon për kapjen e tij.Grupi hetimor ndodhet në vendngjarje dhe po punon për zbardhjen e plotë të kësaj ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.