.png)
Policia ka zbardhur ngjarjen e ndodhur pasditen e djeshme në Fushë Mëzez në Kashar ku u plagos me armë zjarri shtetasi E. M., 28 vjeç.
Është shpallur në kërkim një shtetas për veprën penale “Vrasje me dashje e mbetur në tentativë” si dhe dy të tjerë për “Përkrahje e autorit në krim”.
Shërbimet e policisë të Komisariatit nr. 6 kanë shpallur në kërkim shtetasin M. G., 26 vjeç, banues në Tiranë.
Pasditen e djeshme në Fushë Mëzez ka qëlluar me armë zjarri në drejtim të shtetasit E. M., i cili mbeti i plagosur dhe ndodhet në spital jashtë rrezikut për jetën.
Po ashtu, nga veprimet hetimore të kryera rezulton se në mjetin që drejtonte autori i dyshuar shtetasi M. G., ndodheshin dhe shtetasit A. M., 29 vjeç dhe F. Gj., 35 vjeç, të cilët janë shpallur në kërkim për veprën penale “Përkrahje e autorit në krim”.
Materialet iu referuan për veprime të mëtejshme Prokurorisë së Rrethit Gjyqësor Tiranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
