Policia e Fierit ka vënë në pranga një 27-vjeçar, I cili ishte shpallur në kërkim nga policia pasi akuzohet se tentoi që të vrasë me armë zjarri një të ri, duke e plagosur me armë zjarri.
Ngjarja ka ndodhur më 20 nëntor në lagjen “Apollonia” në Fier.
Policia thotë se bëhet fjalë për shtetasin Elvis Krasniqin, i cili akuzohet se ka plagosur me armë zjarri në këmbë 23-vjeçarin Endri Meçalliu.
Aktualisht ky i fundit ndodhet në spital nën kujdesin e mjekëve. Ndërkohë po procedohet penalisht për veprën penale “Moskallzim krimi” kushëriri i autorit, Klajdi Profka.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje e mbetur në tentativë”, “Armëmbajtje pa leje” dhe “Moskallëzim krimi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.